నిజామాబాద్ A9 న్యూస్:
బాల్కొండ నియోజకవర్గంలోని భీంగల్ మండలం బడా భీంగల్ గ్రామంలో ఇండియా వన్ ఏటీఎంను ఆదివారం రాత్రి గుర్తుతెలియని దుండగులు ధ్వంసం చేసి చోరీకి పాల్పడ్డారు. బడా భీంగల్ స్థానికులు తెలిపిన వివరాల ప్రకారం కొందరు గుర్తు తెలియని దుండగులు ఏటీఎంలో గల సీసీ కెమెరాల పై ముందుగా నల్లటి ఆయిల్ ను చల్లారు.
ఆ తర్వాత ఏటీఎంను ధ్వంసం చేసి చోరీకి పాల్పడ్డారు. బడా భీంగల్ లో ద్వంసానికి గురై చోరీ జరిగిన ఇండియా వన్ ఏటీఎం ప్రైవేట్ ఏజెన్సీకి చెందినది కావడంతో ఏటీఎంను పగలగొట్టి ఎంత మొత్తం నగదును దుండగులు కాజేశారన్న విషయం తెలియలేదు. ఏటీఎం ధ్వంసం అయిన సంఘటన స్థలానికి పోలీసులు చేరుకొని వివరాలు సేకరించి కేసును దర్యాప్తు చేస్తున్నట్టు తెలిపారు.
