నిజామాబాద్ A9 న్యూస్:
మంథని, దేగం గ్రామాల్లో పేకాట ఆడుతున్నారన్న పక్కా సమాచారం మేరకు నిజామాబాద్ టాస్క్ఫోర్స్ సీఐ అంజయ్య ఆధ్వర్యంలో మూడు పేకాట స్థావరాలపై శుక్రవారం దాడులు నిర్వహించారు. ఈ పేకాట స్థావరాలపై దాడుల్లో పేకాట ఆడుతున్న 23 మంది పేకాట రాయుళ్లను అరెస్టు చేసి, వారి వద్ద నుండి పేక ముక్కలను, 1,28,950 రూపాయల నగదును స్వాధీన పరుచుకున్నారు. మంథని గ్రామంలో రెండుచోట్ల, దేగం గ్రామంలో ఒకచోట పేకాట ఆడుతున్న వారిని అదుపులోకి తీసుకున్నట్లు పోలీసులు తెలిపారు. ఈ దాడిలో టాస్క్ ఫోర్స్ ఎస్సై గంగాధర్, కానిస్టేబుళ్లు అనిల్, సుధాకర్, రామ్ చందర్ పాల్గొన్నారు.