నిజామాబాద్ A9 న్యూస్:
-హిందూ యూత్ క్లబ్ గణేష్ మండపం వద్ద సత్యనారాయణ వ్రతం…
-క్లబ్ ఆధ్వర్యంలో అన్నదానం.. పాల్గొన్న పైడి సుచరిత రెడ్డి…
ఆర్మూర్ మున్సిపల్ పరిధిలో కోటా ర్మూర్ లో గల మున్సిపల్ 6 వ వార్డులో హిందూ యూత్ క్లబ్ గణేష్ మండపం వద్ద మంగళవారం క్లబ్ సభ్యుల ఆధ్వర్యంలో సత్యనారాయణ స్వామి వ్రతాన్ని నిర్వహించారు. హిందూ యూత్ క్లబ్ గణేష్ మండపం వద్ద నిర్వహించిన సత్యనారాయణ స్వామి వ్రతంలో కాలనీలోని మహిళలు అత్యంత భక్తిశ్రద్ధలతో ప్రత్యేక పూజలు నిర్వహించారు. అనంతరం హిందూ యూత్ క్లబ్ ఆధ్వర్యంలో నిర్వహించిన అన్నదాన కార్యక్రమంలో పైడి రాకేష్ రెడ్డి ఫౌండేషన్ డైరెక్టర్ పైడి సుచరిత రెడ్డి పాల్గొని స్వామివారి అన్న ప్రసాదాలను స్వీకరించారు.
అంతకుముందు క్లబ్ వారు గణేష్ మండపం వద్ద చేసిన సత్యానారాయణ వ్రతంలో పైడి సుచరిత రెడ్డి గణనాథునికి ప్రత్యేక పూజలు చేశారు. తర్వాత పైడి సుచరిత రెడ్డి తో కాలనీలోని మహిళలు, మండప నిర్వాకులు కలిసి గణేష్ మండపం వద్ద ఫోటోలు దిగారు. ఈ అన్నదానాన్ని హిందూ యూత్ గణేష్ మండపం వారు పెద్ద ఎత్తున నిర్వహించడంతో కోటార్మూరు వాసులు, భక్తులు, ప్రజలు సంతోషం వ్యక్తం చేశారు. ఈ కార్యక్రమంలో హిందూ యూత్ గణేష్ మండలి సభ్యులు, కాలనీలోని మహిళలు తదితరులు పాల్గొన్నారు.
