దర్శకుడు మారుతి తన సినిమాల్లో వినోదంతో పాటు చక్కటి ఎమోషన్స్‌ పండిస్తారు. ముఖ్యంగా కథానాయకుల పాత్రలకు ఏదో ఒక బలహీనతను ఆపాదించి తద్వారా కథను వినోదాత్మకంగా నడిపిస్తారు. ప్రస్తుతం ప్రభాస్‌తో మారుతి ఓ చిత్రాన్ని తెరకెక్కిస్తున్న విషయం తెలిసిందే. హారర్‌ కామెడీ కథాంశమిది.
దర్శకుడు మారుతి తన సినిమాల్లో వినోదంతో పాటు చక్కటి ఎమోషన్స్‌ పండిస్తారు. ముఖ్యంగా కథానాయకుల పాత్రలకు ఏదో ఒక బలహీనతను ఆపాదించి తద్వారా కథను వినోదాత్మకంగా నడిపిస్తారు. ప్రస్తుతం ప్రభాస్‌తో మారుతి ఓ చిత్రాన్ని తెరకెక్కిస్తున్న విషయం తెలిసిందే. హారర్‌ కామెడీ కథాంశమిది. ఇందులో ప్రభాస్‌ క్యారెక్టర్‌ కూడా మారుతి గత చిత్రాల తరహలోనే వినోదప్రధానంగా సాగుతుందని తెలిసింది. ప్రభాస్‌ ఇమేజ్‌కు తగిన పోరాట ఘట్టాలతో పాటు వినోదానికి పెద్దపీట వేస్తూ మారుతి ఈ సినిమాను రూపొందిస్తున్నారని చెబుతున్నారు.
తాజాగా ఈ సినిమాకు సంబంధించి ఓ ఆసక్తికరమైన వార్త వినిపిస్తున్నది. ప్రభాస్‌ ద్విపాత్రాభినయంలో కనిపిస్తారని అంటున్నారు. ఫ్లాష్‌బ్యాక్‌ ఎపిసోడ్‌లో ఆయన వృద్ధుడి పాత్రలో కనిపిస్తారని, ఆ సీక్వెన్స్‌ ఆసాంతం ప్రేక్షకులను కడుపుబ్బా నవ్విస్తుందని చెబుతున్నారు. ఈ సినిమాకు ‘రాజా డీలక్స్‌’ ‘రాయల్‌’ ‘అంబాసిడర్‌’ అనే పేర్లు ప్రచారంలోకి వస్తున్నాయి. ఇప్పటివరకు టైటిల్‌ విషయంలో చిత్ర బృందం నుంచి ఎలాంటి అధికారిక ప్రకటన రాలేదు. ప్రస్తుతం ఈ సినిమా చిత్రీకరణ జరుగుతున్నదని తెలిసింది. ఇదిలావుండగా ప్రభాస్‌ తాజా చిత్రం ‘సలార్‌’ దీపావళికి ప్రేక్షకుల ముందుకురానున్నట్లు సమాచారం.
