నిజామాబాద్ A9 న్యూస్:
ఘనంగా డాక్టర్ మధు శేఖర్ ను సన్మానించిన మాల సంఘం సభ్యులు. డాక్టర్ మధు శేఖర్ తెలంగాణ ప్రభుత్వ ఆరోగ్యశాఖ ఇండియన్ ఇన్స్టిట్యూట్ ఆఫ్ హెల్త్ అండ్ ఫ్యామిలీ వెల్ఫేర్ చైర్మన్ గా పదవి పొంది ఇటీవల బాధ్యతలు స్వీకరించిన శుభ సందర్భంగా ఆర్మూర్ పోచమ్మ గల్లి అంబేద్కర్ మాల సంఘం అధ్యక్షుడు పింజ సుదర్శన్, అధ్వర్యంలో ఆయనకు శాలువాలు, పూలమాలలతో, పుష్ప గుచ్చమ్ అందించి ఘనంగా సన్మానించి శుభాకాంక్షలు తెలియజేశారు.
ఈ సందర్భంగా కౌన్సిలర్ కొంతం మంజుల మురళీధర్ మాట్లాడుతూ, ఈ భూ ప్రపంచం మీద జీవరాశులన్నిటికీ ప్రాణదాత ఆ భగవంతుడే అయితే మనకు జన్మనిచ్చిన తల్లిదండ్రుల తరువాత కొన్ని కొన్ని సందర్భాల్లో పునర్జన్మణిస్తున్నటువంటి దేవుళ్ళు వైద్యులు. ఆ వైద్య వృత్తిలో ఉన్న మా ప్రియతమ నాయకుడు, జననేతకు వచ్చినటువంటి పురస్కారాన్ని సంతోషంగా స్వీకరిస్తూ మా అన్నగారైనటువంటి మధుశేఖర్ కి మంగళ హారతులతో ఆరాధిస్తూ పూలమాల బోకేతో సత్కరించామన్నారు.
మీరు ఇంకా ఎన్నెన్నో కార్యక్రమాల ద్వారా చరిత్ర సృష్టించాలని నిండు నూరేళ్లు కలకాలం సుఖ సంతోషాలతో, ఆయురారోగ్యాలతో జీవించాలని మనస్ఫూర్తిగా కోరుకుంటున్నాం అన్నారు ఈ కార్యక్రమంలో మల సంఘం గౌరవ అధ్యక్షులు మదారి రాజన్న, ఉపాధ్యక్షులు నీరడి బాలరాజ్, కార్యదర్శి వెన్న రమేష్, పింజ బాజన్న, వెన్న మోహన్, పికిల్ వంటి బాజన్న, నాగరాజు తదితరులు పాల్గొన్నారు.
