నిజామాబాద్ A9 న్యూస్:
పి.ఎస్.ఎస్.ఎం నవనాథపురం ఆర్మూర్ వారి ఆధ్వర్యంలో శ్రీ నవనాథ సిద్దేశ్వర పిరమిడ్ ధ్యాన మహా శక్తి క్షేత్రం సిద్దుల గుట్ట ఆర్మూర్ వద్ద “”ఆనంద ఆదివారం”” ధ్యాన, ఆత్మజ్ఞాన కార్యక్రమాన్ని నిర్వహించడం జరిగింది.
ఈ కార్యక్రమానికి ప్రభుత్వ ఉపాధ్యాయులుగా విధులు నిర్వహిస్తూ పిరమిడ్ సొసైటీలో విశేషంగా కృషి చేస్తున్న 20 మంది ప్రభుత్వ ఉపాధ్యాయులను ఈనెల 5వ తేదీన జరిగిన ఉపాధ్యాయ దినోత్సవం సందర్భంగా పిరమిడ్ వద్ద సన్మానించడం జరిగింది.
ఒకవైపు ప్రభుత్వ ఉద్యోగం చేస్తూనే మరోవైపు ధ్యానం, శాఖాహారం, పిరమిడ్ కొరకు విశేషంగా కృషి చేస్తూ ప్రజలకు ధ్యానం వల్ల కలిగే ఉపయోగాలను వివరిస్తూ వారు ఎంతో కృషి చేస్తున్నారని ఈ సందర్భంగా వారందరినీ సన్మానించడం జరిగింది.
ఈ సన్మాన కార్యక్రమంలో ఆదిలాబాద్ ,నిర్మల్ ,కామారెడ్డి నిజామాబాద్ ఆర్మూర్ ,మెట్పల్లి కి చెందిన ప్రభుత్వ ఉపాధ్యాయులుగా ఉంటూ పిరమిడ్ సొసైటీలో సేవలందిస్తున్న ఉపాధ్యాయులు పాల్గొని సన్మానాన్ని స్వీకరించడం జరిగింది.
ఈ సన్మాన కార్యక్రమంలో 500 మంది పిరమిడ్ మాస్టర్లు పాల్గొన్నారు.
వారందరికీ భోజనాన్ని అందించడం జరిగింది.
ఈ కార్యక్రమంలో పి.ఎస్.ఎస్.ఎం నవనాథపురం కమిటీ సభ్యులు అడ్వకేట్ సాయి కృష్ణా రెడ్డి, కూనింటి శేఖర్ రెడ్డి, నల్ల గంగారెడ్డి, అమరవాజ్ శ్రీనివాస్, పెంబర్తి నారాయణ, రాజారామ్, సతీష్ ప్రేమ్ కుమార్, నిశాంత్ పాల్గొన్నారు.
