నిజామాబాద్ A9 న్యూస్:
లైన్స్ క్లబ్ ఆఫ్ ఇంటర్నేషనల్ 320డి ఆధ్వర్యంలో ఘనంగా గురు పూజోత్సవం నిర్వహించారు. లైన్స్ క్లబ్ ఆఫ్ ఇంటర్నేషనల్ 320డి ఆధ్వర్యంలో శనివారం నిజామాబాద్ లోని కమ్మ సంఘ భవనంలో గురుపూజోత్సవం సందర్భంగా ఉత్తమ ఉపాధ్యాయులుగా మోర్తాడ్ గ్రామ నివాసి, జడ్పిహెచ్ఎస్ పాలెం స్కూల్ అసిస్టెంట్ అయిన మగ్గిడి శంకర్ ని లైన్స్ క్లబ్ ఆఫ్ మోర్తాడ్ తరపున నామినేటెడ్ చేశారు.
ఈ సందర్భంగా లైన్స్ క్లబ్ ఇంటర్నేషనల్ వారు వారికి ఘన సన్మానం చేశారు. ఈ కార్యక్రమంలో ప్రోగ్రామ్ ఛైర్మన్ నుటికట్టు గిరిధర్, లయన్స్ క్లబ్ ఆఫ్ మోర్తాడ్ తరపున అధ్యక్షులు మామిడాల మనోహర్ పాల్గొన్నారు. ఈ సందర్భంగా సన్మాన గ్రహీత మాట్లాడుతూ ఉత్తమ ఉపాధ్యాయునిగా నన్ను ఎన్నుకొని సన్మానం చేయించిన మోర్తాడ్ క్లబ్ మిత్రులందరికి ధన్యవాదాలు తెలుపుకుంటున్నాను అన్నారు. ఈ కార్యక్రమంలో లయన్స్ క్లబ్ ఆఫ్ ఇంటర్నేషనల్ డైరెక్టర్ జి. బాబు రావు, గెస్ట్ ఆఫ్ హనర్స్ వి.లక్ష్మి, పంపతి నాగేష్, ఏ. అమర్ నాథ్ రావు, వై. శ్రీనివాస్, కే.కిషోర్, ఎస్. కృష్ణ మోహన్, తదితరులు పాల్గొన్నారు.
