నిజామాబాద్ A9 న్యూస్:
ఆర్మూర్ పట్టణంలోని ప్రఖ్యాతిగాంచిన నవనాధ సిద్ధుల గుట్టపై గల శివాలయంలో ఆర్మూర్ ఆర్డీవో వినోద్ కుమార్, నూతన తాసిల్దార్ శ్రీకాంత్ లు ప్రత్యేక పూజలు చేశారు.
ఈ సందర్భంగా ఆలయ కమిటీ సభ్యులు అధికారులను ఘనంగా స్వాగతం పలికి శివాలయంలో అభిషేకాలు చేయించారు. అనంతరం సిద్ధుల గుట్ట కమిటీ సభ్యులు పట్టు శాలువాతో అధికారులను సన్మానించి,సిద్ధుల గుట్ట ప్రాముఖ్యతను వారికి వివరించారు.
ప్రఖ్యాతిగాంచిన నవనాథ సిద్ధుల గుట్టపై గల ఆలయాలను దర్శించుకుని, పూజలు చేయడం జరిగిందని, సిద్దులు గుట్టను పర్యాటకులకు సౌకర్యంగా ఎమ్మెల్యే ఆధ్వర్యంలో అన్ని రకాలుగా అభివృద్ధి చేయడం జరిగిందని ఆర్డిఓ వినోద్ కుమార్ తెలిపారు. ఈ కార్యక్రమంలో ఆలయ కమిటీ సభ్యులు, అర్చకులు, తదితరులు పాల్గొన్నారు.
