సరదాగా స్నానానికి వెళ్లి నదిలో ముగ్గురు యువకులు గల్లంతైన ఘటన తీవ్ర విషాదం నింపింది. కుమురంభీం(D) బెజ్జూరు(M)కు చెందిన జహీర్హుస్సేన్ (22), హిర్షాద్(18), మోహిజ్ (20), ఖాజీమ్ స్నానం చేయడానికి సోమినిలోని ప్రాణహిత ఎర్రబండ రేవుకు వెళ్లారు. ఈ క్రమంలో జహీర్ హుస్సేన్, హిర్షాద్, మోహిజ్లు నీటిలో గల్లంతయ్యారు. భయభ్రాంతులకు గురైన ఖాజీమ్ సెల్ఫోన్లో కుటుంబ సభ్యులకు సమాచారం ఇచ్చాడు. గాలింపు చర్యలు చేపట్టనున్నట్లు సీఐ రమేశ్ తెలిపారు.
