*న్యూ ఢిల్లీ*
A9 news డిస్క్ నవంబర్ 28
*తెలంగాణ లో సోలార్ ప్రాజెక్టుల పై పార్లెమెంటులో వివరాలు కోరిన వరంగల్ ఎం పీ డాక్టర్ కావ్య…..*
తెలంగాణ రాష్ట్రం లో సోలార్, విండ్ పవర్ ప్రాజెక్టులపై వరంగల్ ఎం పీ డాక్టర్ కడియం కావ్య పార్లమెంటులో ప్రశ్నోత్తరాల సమయం లో కేంద్రాన్ని సమాచారం కోరారు. గురువారం ప్రశ్నోత్తరాల సమయం లో డాక్టర్ కావ్య వేసిన లిఖిత పూర్వక ప్రశ్న కు కేంద్ర మంత్రి శ్రీపాద్ యశో నాయక్ సమాధానమిచ్చారు. రాష్ట్రం లో 266 సోలార్ పవర్ ప్లాంట్లు మంజూరు కాగా అందులో అక్టోబర్ మాసాంతానికి 263 ఉత్పత్తి చేస్తున్నాయని, అలాగే రెండు విండ్ పవర్ ప్రాజెక్టులు కూడా ఉత్పత్తి చేస్తున్నాయని మంత్రి అన్నారు. సోలార్ పవర్ ప్లాంట్లు 4292.29 మెగావాట్ల విద్యుత్తును ఉత్పత్తి చేస్తున్నాయని,విండ్ ప్రాజెక్ట్ ల ద్వారా128.1 మెగా వాట్ల విద్యుదుత్పత్తి జరుగుతున్నదని మంత్రి డాక్టర్ కావ్యకు లిఖిత పూర్వక సమాధానమిచ్చారు.
