నిజామాబాద్ A9 news:
ఆర్మూర్ పట్టణంలోని రోటరీ క్లబ్ ఆధ్వర్యంలో అధ్యక్షులు పట్వారి గోపికృష్ణ అధ్యక్షతన ఆదివారం- అరగంట అనే కార్యక్రమాన్ని ఆర్మూర్ పట్టణంలోని హౌసింగ్ బోర్డ్ కాలనీలో గల ప్రభుత్వ పార్కులో శుభ్రత మరియు మొక్కలు నాటే కార్యక్రమాన్ని ఏర్పాటు చేశారు. ఈ కార్యక్రమానికి ముఖ్యఅతిథిగా తెరాస ఆర్మూర్ నియోజకవర్గ ఇంచార్జ్ ఆశన్నగారి రాజేశ్వర్ రెడ్డి, పండిత్ పవన్ లు హాజరయ్యారు.
ఈ సందర్భంగా రాజేశ్వర్ రెడ్డి మాట్లాడుతూ పర్యావరణ పరిరక్షణ మరియు పరిసర శుభ్రత కోసం రోటరీ క్లబ్ చేపట్టిన ఆదివారం అరగంట కార్యక్రమం అందరికి స్ఫూర్తిదాయకమని ప్రతి వార్డులో ప్రజలు యువత పరిసరాల శుభ్రత పై అవగాహన పెంచుతూ ఆర్మూర్ స్వచ్ఛతకు తోడ్పడాలని అన్నారు.
ఈ కార్యక్రమంలో కార్యదర్శి పట్వారి తులసి, కోశాధికారి లక్ష్మీనారాయణ ప్రాజెక్ట్ చైర్మన్ మరియు స్థానిక కౌన్సిలర్ లింబాద్రి గౌడ్, లింగాగౌడ్, కాంతి గంగారెడ్డి, పద్మ మురళి, పుష్పకరావు, చరణ్ రెడ్డి, శశిధర్ వన్నెల్దాస్ రాము, గోనె శ్రీధర, మున్సిపల్ సానిటరీ ఇంచార్జ్ మహేశ్ కాలనీ సభ్యులు భోజ గౌడ్, పూజా నరేందర్ కౌన్సిలర్, రమేష్ తదితరులు పాల్గొన్నారు.
