A9 న్యూస్ ప్రతినిధి ఆర్మూర్ ఆగస్టు 23:
*ఆర్మూర్ లో చైన్ స్నాచింగ్…
*మాయమాటలు చెప్పి వృద్ధురాలి బంగారం చోరీ…
*దొంగతనానికి పాల్పడిన గుర్తు తెలియని వ్యక్తులు…
ఆర్మూర్ పట్టణ కేంద్రంలో వృద్ధురాలి మెడలో నుంచి 4 తులాల బంగారు గొలుసును గుర్తు తెలియని దుండగులు అపహరించారు. శుక్రవారం ఈ ఘటన ఆర్మూర్ పట్టణ కేంద్రంలోని మామిడిపల్లిలో చోటుచేసుకుంది. పేర్కిట్ గ్రామానికి చెందిన బ్రాహ్మణపల్లి నర్సు బాయ్ బంధువుల పెళ్లి కానీ పెర్కిట్ చౌరస్తాలో ఆటో ఎక్కింది. మరో మహిళ ఆటోలో ఆపాటికె ఎక్కి కూర్చుంది. ఆటోలో ఉన్న మహిళలను మామిడిపల్లి చౌరస్తాలో దింపి బాధితురాలిని పెళ్లి వద్ద దింపుతానని ఆటో డ్రైవర్ వద్దురాలితో నమ్మబలికాడు. ఆటో డ్రైవర్ మాటలను నమ్మిన బాధితురాలు సరే అని చెప్పింది. ఆటో డ్రైవర్ మామిడిపల్లి శివారులోని అయ్యప్ప ఆలయం సమీపంలోకి ఆటోను తీసుకెళ్లాడు. రోడ్డు పక్కన ఆటోను నిలిపి ఇదివరకే ఆటోలో ఉన్న మరో మహిళతో కలిసి ఆటో డ్రైవర్ వృద్ధురాలి మెడలో ఉన్న మూడు తులాల బంగారు గొలుసు చైన్ ను లాక్కొని బాధితురాలని అక్కడే వదిలేసి వెళ్లిపోయారు. దీంతో మోసపోయానని గ్రహించిన వృద్ధురాలు స్థానికుల సహాయంతో పోలీసులకు ఫిర్యాదు చేసింది. జరిగిన ఈ ఘటనపై ఆర్మూర్ పోలీసులు విచారణ చేస్తున్నట్లు తెలిసింది……
